Organizmni kompleks tozalashning qon bosimiga ta’siri

Har soniyada tanamizning har bir hujayrasi o’zidan chiqindilarni chiqarib, tozalanib turadi. 8 soatlik uyqu davomida biz tanamizning barcha hujayralariga tozalanish va tiklanish imkonini beramiz. Ammo haddan ortiq zo’riqish, uyqusizlik, stresslar, to’yib ovqatlangandan keyin uxlash va ko’p miqdorda dori qabul qilish natijasida organizmimiz chiqindilarni o’zidan to’liq chiqarib tashlay olmaydi. Shu sababli kundan-kunga organizmimizda asta-sekin chiqindilar to’plana boshlaydi.

Chiqindilar eng ko’p to’planadigan joy — yo’g’on ichak, va ich har kuni yaxshi kelsa ham, ichak so’rg’ichlari orasidagi ko’plab chiqindilar shilimshiqqa aylanadi hamda so’rg’ichlar yordamida qonga so’riladi. Qondagi chiqindilar konsentratsiyasining ortishi tufayli jigarning filtrlash qobiliyati pasayadi, qon quyuqlashadi va qon tomirlarning ichki yuzasiga aterosklerotik blyashkalar shaklida yopishadi. So’ngra u qon tomirlarni toraytiradi va arterial bosimning ko’tarilishiga sabab bo’ladi. Afsuski, bu infarkt yoki insultga olib kelishi mumkin.

Ichki a’zolardagi mayda qon tomirlarning torayishi organizmning barcha a’zolariga kapillyar qon aylanishini buzadi. Bunday vaziyatda har bir ichki a’zoga qon orqali yetib boradigan oziq moddalar va kislorod kamayadi. Har bir a’zo bu yetishmovchilik signalini sizga turli og’riqlar ko’rinishida yetkazadi. Shunday qilib, og’riq butun tanada va ichki a’zolarda sezila boshlaydi. Tasavvur qiling: agar butun tanadagi og’riqlarni dorilar bilan davolasangiz, sizga qancha dori kerak bo’ladi? Bu preparatlar jigardagi turli kimyoviy moddalarni yanada ko’paytiradi. Bilasizki, dorilar bitta a’zodagi og’riqni biroz kamaytirsa-da, boshqa a’zoga salbiy ta’sir ko’rsatadi va umumiy kasalliklarning ortishiga olib keladi.

Butun organizm bo’ylab rivojlanadigan kasalliklarni davolashning eng yaxshi, zararsiz va tabiiy usuli mavjud. Buning uchun ichak, o’t pufagi, jigarni tozalash, qonni suyultirish, tomirlarda qotib qolgan aterosklerotik blyashkalarni eritish kerak. Organizmni faqat unga og’irlik qilayotgan chiqindilardan tozalash kifoya, qolganini u o’zi qiladi. Aniqrog’i, qonni puxta tozalab va suyultirib, qolgan zarrachalarni chiqarib yuboradi hamda ichki a’zolaringiz ishini tiklaydi. Organizm og’ir yuklardan xalos bo’lishi bilanoq, o’zini o’zi davolaydi va barcha kasalliklardan sog’ayadi. Xudo tanamizni shunday mehr bilan yaratganki, biz uni ortiqcha yuklardan xalos qilganimizda, u tez tiklanish qobiliyatiga ega bo’ladi. Faqat nima yeyayotganingizni nazorat qiling. Eng muhimi — shukronalik his qilish.